الاثنين، 26 أبريل، 2010

أنا جيني






Hi every one

I am not Geny

طبعا هيدا مش اسمي بس هو اسم حلو و مهضوم

و انا مني لبنانية بي بحب احكي لبناني لأن لهجتي فضيعة و ما حدا بيفهمها

و بعدين اللهجة اللبنانية كثير ناعمة و بتخلي الواحد يروق غصبن عنو

اوكي راح قول باختصار اني بنت عربية مثلية


كل شي في حياتي بيوحي عكس يلي انا فيه في الحقيقة

لا اسمي و لا جنسيتي و لا أصلي و لا عيلتي و لا حتى معتقداتي

شو رأيكم بإنسانة عايشة في شخصية غير شخصيتها قدام الناس؟

مجرد شبح

ممثلة

إنسانة غير

عن جد شي بيقرف

شو هالحياة ؟

بس و حياة الله مضطرة

ليش ؟

لإني بخاف قول أو أتصرف مثل ما أنا بدي

خوف غريب من أشيا مجهولة

حياة بضحك و بتبكي

بس الأحسن أنو أضحك

الفكرة يا جماعة أنو ما بدي استمر هيك

أنا بدي أتغير

بدي كون أنا

بكل عيوبي و بكل محاسني

و حتى و لو ما راح يعجب حدا

و بعدين أنا بتصور أنو إذا فعلا في حدا بيحبي

فالمفروض يتقبل حقيقتي

ما بقصد المثلية بشكل خاص

بس شخصيتي و تركيبتي و كل التفاصيل الثانية


خطوة خطوة

بالأول اسمي و بعدين جنسيتي و بعدين شو ؟

هويتي الجنسية

أفكاري

معتقداتي

رأيي


هيدي الخطة بدا هجرة إلى أمريكا

حلوة فكرة الهجرة

دايما كنت بقول أنو أحسن طريقة للإحتفال بالسنة الهجرة

أنو الإنسان يجرب يهاجر

بفكر بالموضوع


كنت عم بكتب بهيدا البوست لما اتصلت علي مديريتي

و سمعتني كلمتين

و قالت انو هي عم يوصلها حكي اني مش مبسوطة

من الشغل و من القسم كلو

و اني انا عم بحكي بطريقة غلط

شو هالمصيبة هيدي ؟

أنا ناقصة مصايب يا ربي

منها لله شيلا يلي راحت حكيت

شو أعمل بس ؟

هي عم تخيرني هلأ يا إما ظل أو أترك الشغل

طيب انا قلتها إني عم فكر

و راح خبرك قبل ما أطلع إجازة

ليش هي مصرة تجيب واحدة بديلة ؟؟؟

مرة ثانية منها لله شيلا

طلعت بنت ستين كلب

يييييييييه عم بحكي مصري

خسارة فيها الحكي

شو أعمل أنا مع هيك ناس

حياتي مش ناقصة تعقيد

يعني بدهن ياني أخسر الشغل كمان ؟

الله يخرب بيتك يا شيلا

قطعت حبل أفكاري و عملتلي صدمة

هلأ بتركم شوي

و برجع بكرا

ان شاء الله



هناك 5 تعليقات:

  1. مش معقول قمر جديد ساطع فى عالم التدوين
    نورتى البلوجر Geny
    لية بس كل الزعل دة بلاش تعيشى فى شخصيتين لان دة لة اثر سىء على المدى الطويل حاولى تعيشى بشخصية واحدة الى هيا شخصيتك الحقيقية
    و انتى عندك حق الى بيحبك لازم يتقبلك زى ما انتى
    بجد سعيد انى عثرت على مدونتك يا قمر و فى انتظار كل جديد منك
    مودى

    ردحذف
  2. اسلوبك كثير حلو في الكتابه
    وجود في مجتمعاتنا العربيه وكمثليين فرضت علينا الازدواجيه وعلمتنا التمثيل
    شكلنا صار لازم نعمل فرقه مسرحيه للمدونين
    هنكون ممثلين عظام هههه
    سعدت بمدونتك
    وارجو لك التألق بعالم المدونات

    ردحذف
  3. هلا بالامورة سعيد اني اصل لمدونتك وسعيد اني اكون من الاوائل المرحبين بيك بعد مودي حبيبي وعلي

    يلا منتظر منك بوستاتك الحلوة بعدين اللهجة اللبنانية كثير مهضومة للكثيرين وبالذات انا


    على اي حال حاب اشوف البوستات السريعة الجديدة تحكيلنا عن حياتك وعن المواقف اللي تصير معك وتاكدي في كثير من المثليات في الوطن العربي اللي راح يتابعوك


    ومرحب فيك مرة ثانية

    ردحذف
  4. هاي جيني..
    بحب ارحب فيكي بعالم التدوين ومبسوطة كتير انو في مدونة جديدة انضمت النا بدعيلك بالتوفيق ... شايفة الشبيبة فوق ما قصرو بالترحيب وان شالله ما بنقصر بالمتابعه..منتظرين بوستاتك
    وبحب اكون اول مدونة متابعه الك
    نورتي عالم المدونين،،ويا هلا

    ردحذف
  5. بدايه موفقه

    الله يعينك صراحه على هيك بشر عايشه معاهم

    والله يعيني انا على اللي عندي ازززفت من اللي عندك

    وعلى فكرة كمان انا افكر انحاااش لأمريكا^^
    لووول

    لاحظي اني قلت انحاااش مو اهاجر^^

    ايه انحاااااش^^

    ردحذف